U Sankt-Pieciarburhu sprabavali vykraści futbalista «Zienita»
Palicyja Sankt-Pieciarburha zatrymała čatyroch padazravanych, jakim inkryminujuć sprobu vykradańnia «viadomaha futbalista» i paśpiachovaje vykradańnie biznesmiena.
Skryn videa
Pavodle SK RF, 23 kastryčnika čaćviora mužčyn sprabavali vykraści čałavieka na vulicy Viazavaj, ale im heta nie ŭdałosia. Praz dva dni, 25 kastryčnika, jany ž vykrali inšaha mužčynu, prymusiŭšy jaho pieravieści 210 tysiač rasijskich rubloŭ (kala $2600) i patrabujučy dadatkova 10 miljonaŭ rubloŭ (kala $105 tysiač).
Pavodle źviestak rasijskich telehram-kanałaŭ, havorka idzie pra sprobu vykradańnia futbalista «Zienita» Andreja Mastavoha i vykradańnie biznesmiena Siarhieja Sielehienia, ziacia byłoha śpikiera zakanadaŭčaha schodu Pieciarburha.
Paviedamlajecca, što Mastavy adbiŭsia ad napadnikaŭ — pavodle adnoj ź viersij, jamu dapamoh chakieist Alaksandr Hrakun.
Palicyja zatrymała čatyroch padazravanych. Pavodle MUS RF, arhanizataram byŭ student-druhakurśnik adnoj z vyšejšych navučalnych ustanoŭ horada.