Hiermanija pieražyvaje samy zaciažny kryzis za paślavajenny čas
Pavodle acenak ekanamistaŭ, VUP krainy faktyčna nie raście z 2018 hoda, a biespracoŭje ŭ žniŭni dasiahnuła troch miljonaŭ čałaviek — heta maksimum za apošnija 10 hadoŭ.
Kancler Hiermanii Frydrych Mierc. Fota: AP Photo / Markus Schreiber
Na dumku daśledčykaŭ Instytuta ekanamičnych daśledavańniaŭ ifo, Hiermanija ciapier pieražyvaje samuju doŭhuju ekanamičnuju stahnacyju, piša Bild.
Pavodle novaha daśledavańnia ifo, z 2015 hoda dziaržaŭnyja vydatki vyraśli na 25%, tady jak inviestycyi biznesu viarnulisia da ŭzroŭniu dziesiacihadovaj daŭniny. VUP krainy faktyčna nie raście z 2018 hoda, a biespracoŭje ŭ žniŭni dasiahnuła troch miljonaŭ čałaviek — heta maksimum za apošnija 10 hadoŭ.
«Niamieččyna znachodzicca ŭ stanie ekanamičnaha zaniapadu. Situacyja ŭžo stała dramatyčnaj. Miljony hramadzian užo sutyknulisia sa źnižeńniem uzroŭniu žyćcia», — zajaviŭ kiraŭnik instytuta ifo Klemiens Fuest.
Ekanamist papiaredžvaje, što biez strukturnych reformaŭ Hiermanii pahražajuć dziesiacihodździ stahnacyi i pasłableńnie siaredniaha kłasa. Fuest zaklikaŭ urad da viasny 2026 hoda pradstavić kompleksny płan reformaŭ, jaki vychodzić za ramki kaalicyjnaha pahadnieńnia. Siarod prapanoŭ — zamarozić vydatki na sacyjalnyja vypłaty i rezka skaracić biurakratyčnyja barjery dla biznesu.
Hienieralny sakratar CHDS Karsten Linieman padtrymaŭ pazicyju ekśpierta.
«My pavinny pryniać słovy Fuesta surjozna. Ciapier deviz pavinien być adzin — «spačatku siaredni biznes». Usio astatniaje pavinna adyści na druhi płan», — skazaŭ jon u razmovie z Bild.
Raniej my pisali, što pramysłovaść Hiermanii abvaliłasia da ŭzroŭniu 2005 hoda. A vytvorčaść aŭtamabilaŭ apuściłasia da minimumu z 2000 hoda.
Čytajcie taksama:
Kitaj atrymaŭ dostup da pramysłovych sakretaŭ Hiermanii praz ekspart redkaziamielnych mietałaŭ
U Hiermanii padarvali viežy najstarejšaj atamnaj elektrastancyi krainy
Mierc: Vizit u ZŠA prajšoŭ nie tak, jak spadziavaŭsia Zialenski