U daždžavikach i pa kalena ŭ hrazi. Čynoŭnikaŭ u doždž pahnali na subotnik, sam Łukašenka nie pajšoŭ
Učora pa krainie pravodzili subotnik, niahledziačy na mocny doždž. Pracavać adpravili i čynoŭnikaŭ.
Raman Hałoŭčanka, staršynia Nacbanka i były premjer, u daždžaviku i humovych botach sadžaŭ drevy.
Raman Hałoŭčanka. Skrynšot: videa Nacbanka
Vysadžvać aleju ŭ tak zvanym parku Narodnaha adzinstva adpraviłasia i staršynia Savieta Respubliki Natalla Kačanava.
Natalla Kačanava. Fota: Saviet Respubliki
Michaił Rusy, člen Savieta Respubliki. Fota: BiełTA
Leanid Zajac, člen Savieta Respubliki. Fota: Saviet Respubliki
Ministr zamiežnych spraŭ Maksim Ryžankoŭ razam z dypłamatami pad parasonami vysadžvaŭ lipy ŭ Minsku — na alei 80‑hodździa AAN.
Maksim Ryžankoŭ. Fota: BiełTA
Kiraŭnik Hrodzienščyny Juryj Karajeŭ razam z supracoŭnikami abłvykankama pajechaŭ u Skidzielskaje laśnictva. Tam jany dobraŭparadkavali terytoryju la pomnika voinam-internacyjanalistam, pastavili novuju łaŭku dla naviedvalnikaŭ i vysadzili maładyja drevy ŭ dendraparku.
Juryj Karajeŭ. Fota: Puł 4 rehijon
Bolš pašancavała premjeru Alaksandru Turčynu, jaki pracavaŭ u pamiaškańni — na budoŭli chirurhičnaha korpusa №2 minskaj abłasnoj kliničnaj balnicy.
Alaksandr Turčyn. Fota: pres-słužba ŭrada
Namieśnik premjera Natalla Piatkievič. Fota: BiełTA
Namieśnik premjera Anatol Sivak. Fota: pres-słužba ŭrada
Ministr achovy zdaroŭja Alaksandr Chadžajeŭ taksama byŭ na budoŭli — novaha korpusa RNPC dziciačaj ankałohii, hiematałohii i imunałohii.
Alaksandr Chadžajeŭ. Fota: Minzdaroŭja
Alaksandr Łukašenka na hety raz na subotniku nie źjaviŭsia, choć zvyčajna taksama prysutničaje i pavučaje čynoŭnikaŭ, jak pravilna pracavać rukami.