Byłoha palitviaźnia z Hrodna pasadzili na 15 sutak
Alaksandr Łaŭrenćjeŭ adbyŭ termin u kałonii pa abvinavačańni ŭ abrazie Łukašenki i niejkaha inšaha pradstaŭnika ŭłady.
Byłoha palitviaźnia z Hrodna Alaksandra Łaŭrenćjeva asudzili na 15 sutak administracyjnaha aryštu pavodle artykułu 19.11 KaAP. Na volu jon pavinien vyjści 1 listapada, paviedamlajuć hrodzienskija pravaabaroncy.
U 2022‑m Alaksandru Łaŭrenćjevu prysudzili 3 hady i 4 miesiacy kałonii, abvinavaciŭšy ŭ abrazie Łukašenki i niejkaha inšaha pradstaŭnika ŭłady (artykuły 368 i 369 KK).
Termin mužčyna adbyvaŭ u Babrujskaj kałonii №2, potym u Navapołackaj.
Na volu paśla źniavoleńnia pa kryminalnaj spravie Łaŭrenćjeŭ vyjšaŭ 7 červienia 2025 hoda.
Alaksandr — palityčny aktyvist z Hrodna. U 2017 hodzie jon vystupaŭ na akcyjach pratestu, źviazanych z uviadzieńniem «padatku na darmajedstva». U 2019 hodzie pastaviŭ namiot pierad administracyjaj Kastryčnickaha rajona Hrodna, kab vyrašyć žyllovaje pytańnie.
U 2020 hodzie pravioŭ šerah akcyj za ŭviadzieńnie karancinu ŭ Biełarusi padčas pandemii COVID-19. Viadoma, što vosieńniu 2020‑ha hodu mužčyna źjechaŭ u Polšču, ale potym viarnuŭsia i žyŭ u Hrodnie.