Aeraport u Vilni znoŭ zakryty praź mietearałahičnyja zondy z kantrabandaj
Avijaruch byŭ časova prypynieny ŭ 21:35. Pavodle papiaredniaj infarmacyi, rašeńnie ab uviadzieńni abmiežavańniaŭ u pavietranaj prastory było vyklikana pavietranym šaram, što lacieŭ u napramku Vilenskaha aeraporta.
Novy terminał Vilenskaha aeraporta.
Abmiežavańni pavietranaj prastory ŭviedzieny da 02:00, paviedamlajuć aficyjnyja krynicy.
Minuły raz pavietranuju prastoru ŭ rajonie vilenskaha aeraporta začyniali ŭnačy z 4 na 5 kastryčnika, a apošni vypadak adbyŭsia ŭviečary 21 kastryčnika, kali aeraporty Vilni i Koŭna taksama časova spyniali pracu z-za mieteazondaŭ, zapuščanych z terytoryi Biełarusi, i rejsy pieranakiroŭvali ŭ inšyja bližejšyja aeraporty. U vyniku Litva zakryvała miažu ź Biełaruśsiu na 14 hadzin.