U Minsku zapuściać antynarkamanski aŭtobus. Pasažyraŭ buduć supravadžać siłaviki
Niezvyčajny aŭtobus vyjdzie ŭ apošnija dni kastryčnika na maršrut № 43, pa jakim raźmieščana niamała ŭstanoŭ adukacyi i pradpryjemstvaŭ.
Aŭtobus na maršrucie № 43 «DS «Družnaja». Fota z sacsietak
Jon musić pryciahnuć uvahu pasažyraŭ da prablemy narkamanii siarod moładzi, paviedamlaje ahienctva «Minsk-Naviny» sa spasyłkaj na minskuju milicyju.
Tematyčna aformleny pasažyrski aŭtobus MAZ budzie kursiravać z 27 pa 31 kastryčnika ŭ ramkach piłotnaha prajekta «Brendavany aŭtobus», jaki zapuskaje staličnaja inśpiekcyja pa spravach niepaŭnaletnich pry padtrymcy Minharvykankama. Vybar maršrutu № 43 «DS «Družnaja» — Ściapianka» tłumačać tym, što ŭzdoŭž jaho trasy znachodzicca niamała ŭstanoŭ adukacyi i pradpryjemstvaŭ.
Padčas pajezdki pasažyraŭ čakajuć karotkamietražnyja filmy i karysny aŭdyjakantent pa prafiłaktycy narkamanii. Taksama praduhledžana mahčymaść atrymać kansultacyju ŭ śpiecyjalistaŭ. Pasažyraŭ buduć supravadžać pradstaŭniki siłavych orhanaŭ, sistemy achovy zdaroŭja i BRSM.