Vilenski i Kovienski aeraporty adnavili paloty
Učora viečaram dva litoŭskija aeraporty byli zakrytyja dla biaśpieki pasažyraŭ z-za mieteazondaŭ ź Biełarusi.
U abodvuch aeraportach z-za mieteazondaŭ byli adklikany, adkładzieny abo nie pryniaty 40 rejsaŭ. Heta zakranuła bolš čym 6000 pasažyraŭ. 10 rejsaŭ adklikali, 14 nakiravali ŭ inšyja aeraporty, 16 adkłali, paviedamlaje Delfi.
Samaloty nakiroŭvalisia ŭ Pałanhu, kudy adpravili i aŭtobusy pa pasažyraŭ.
Pavodle dadzienych Nacyjanalnaha centra kiravańnia kryzisami, zafiksavana niekalki dziesiatkaŭ mieteazondaŭ.
Siońnia nočču ŭ 02,35 aeraporty adnavili pracu.
Raskład rejsaŭ u aeraporcie Vilni, vilnius-airport.lt
Učora taksama paviedamlałasia, što siońnia da 12:00 suboty buduć zakrytyja pamiežnyja punkty ŭ Salečnikach i Miednikach (ź biełaruskaha boku «Bieniakoni» i «Kamienny Łoh»).
Pra toje, što miažu buduć zakryvać aŭtamatam u vypadku paŭtareńnia situacyi z šarami, Litva papiaredžvała paśla papiaredniaha takoha incydentu ŭ sieradu 22 kastryčnika.
Čytajcie taksama:
Litva znoŭ začyniła miažu ź Biełaruśsiu — iznoŭ šary z kantrabandaj