U KNDR uzvodziać miemaryjał u honar sałdat, što zahinuli za Rasiju
U stalicy Pchieńjanie budzie ŭźviedzieny Miemaryjalny muziej bajavych podźvihaŭ u pamiać sałdat, što zahinuli na vajnie va Ukrainie.
Fota: KCNA.kp
Jak paviedamlaje Paŭnočnakarejskaje telehrafnaje ahienctva, jon budzie ŭźviedzieny ŭ «honar hierojaŭ KNDR, jakija idejna-duchoŭnaj pieravahaj, ułaścivaj absalutna viernaj kiraŭnictvu Pracoŭnaj partyi Karei našaj armii, masavym hieraizmam, prykładam advahaj i niazłomnym charaktaram ździejśnili nieŭmiručyja podźvihi ŭ zamiežnaj vajennaj apieracyi».
«Bajavyja pośpiechi i bliskučyja bajavyja podźvihi bajcoŭ uzbrojenych sił Respubliki, ździejśnienyja koštam kryvi i žyćcia ŭ vajennaj apieracyi pa vyzvaleńni Kurskaj vobłaści brackaj Rasijskaj Fiederacyi, słužać cudoŭnaj lehiendaj ab pieramozie ŭ vajnie, jakaja ŭvajšła b asobnaj staronkaj u historyju budaŭnictva čučchiejskaj armii i antyimpieryjalistyčnaj revalucyjnaj baraćby, a taksama vialikimi zasłuhami ŭ demanstracyi niepieramožnaści karejska-rasijskich adnosin, što zaviazalisia koštam kryvi i pieražyvajuć dalejšaje ŭmacavańnie, u stvareńni asnovy dla isnavańnia, raźvićcia i viečnaha roskvitu dźviuch krain — KNDR i RF», — havorycca ŭ paviedamleńni.
Kiraŭnik KNDR Kim Čen Yn inicyjavaŭ budaŭnictva Muzieja bajavych podźvihaŭ i asabista vybraŭ miesca muzieja ŭ rajonie Chvasona, jaki simvalizuje sučasny Pchieńjan.
Sałdaty KNDR brali ŭdzieł u bajavych dziejańniaŭ u Kurskaj vobłaści Rasii, u jakuju ŭvajšli ŭletku 2024 hoda ŭkrainskija častki. Paviedamlałasia, što tam zahinuli sotni paŭnočnakarejskich sałdat.