Połk Kalinoŭskaha ŭklučyli ŭ rasijski śpis «terarystaŭ i ekstremistaŭ»
Biełaruski Połk Kalinoŭskaha, jaki vajuje na baku Ukrainy, razam z usimi jaho padraździaleńniami ŭnieśli ŭ rasijski «Pieralik terarystaŭ i ekstremistaŭ». Infarmacyju na sajcie Rośfinmanitorynhu zaŭvažyŭ Reform.
Ilustracyjny zdymak
Skrynšot z sajta fedsfm.ru: Reform
U Biełarusi Połk Kalinoŭskaha byŭ pryznany terarystyčnaj arhanizacyjaj u vieraśni 2024 hoda. U lipieni 2025‑ha padraździaleńnie pryznali terarystyčnaj arhanizacyjaj u samaabvieščanaj «DNR».
Połk Kalinoŭskaha — heta dobraachvotnickaje farmavańnie, stvoranaje viasnoj 2022 hoda, paśla pačatku poŭnamaštabnaha ŭvarvańnia Rasii va Ukrainu. Jon źjaŭlajecca častkaj uzbrojenych sił Ukrainy, uvachodzić u Mižnarodny lehijon pry HUR Minabarony Ukrainy.