Полк Каліноўскага ўключылі ў расійскі спіс «тэрарыстаў і экстрэмістаў»
Беларускі Полк Каліноўскага, які ваюе на баку Украіны, разам з усімі яго падраздзяленнямі ўнеслі ў расійскі «Пералік тэрарыстаў і экстрэмістаў». Інфармацыю на сайце Росфінманіторынгу заўважыў Reform.
Ілюстрацыйны здымак
Скрыншот з сайта fedsfm.ru: Reform
У Беларусі Полк Каліноўскага быў прызнаны тэрарыстычнай арганізацыяй у верасні 2024 года. У ліпені 2025‑га падраздзяленне прызналі тэрарыстычнай арганізацыяй у самаабвешчанай «ДНР».
Полк Каліноўскага — гэта добраахвотніцкае фармаванне, створанае вясной 2022 года, пасля пачатку поўнамаштабнага ўварвання Расіі ва Украіну. Ён з'яўляецца часткай узброеных сіл Украіны, уваходзіць у Міжнародны легіён пры ГУР Мінабароны Украіны.