U Akademii navuk zajavili, što biełarusy z kožnym hodam usio bolš zadavoleny
Namieśnik dyrektara Instytuta sacyjałohii NAN RB Alaksandr Pastałoŭski raskazaŭ «Viečarovamu palityčnamu kanału», što biełarusy z kožnym hodam adčuvajuć siabie ŭsio bolš zadavolenymi sacyjalna-ekanamičnymi ŭmovami ŭ krainie, piša «Telehraf».
Vučony paviedamiŭ, što, zhodna z danymi daśledavańniaŭ, rost zadavolenaści składaje 10—15% z hodu ŭ hod.
«Heta pakazčyki zadavolenaści svajho sacyjalnaha samaadčuvańnia, acenka materyjalnaha stanovišča i [zadavolenaści] inšymi sacyjalnymi prajektami. I tut u nas štohadovy pryrost, to bok pa roznych pakazčykach i 10%, jość i 15%. To bok ludzi ŭ poŭnaj stupieni zadavoleny i ŭzroŭniem svajho sacyjalna-ekanamičnaha dabrabytu i vysokija pakazčyki mienavita davieru i sacyjalnaha ŭchvaleńnia taho voś kursu, jaki niepasredna my ŭžo bolš za 30 hadoŭ pravodzim», — zajaviŭ Alaksandr Pastałoŭski.
Pradstaŭnik Instytuta sacyjałohii nie padzialiŭsia bolš padrabiaznymi ličbami, ale zajaviŭ, što pakazčyki ŭ Biełarusi lepšyja, čym u Jeŭropie.