Zavod «Haryzont» i dočki rasijskich bankaŭ trapili pad sankcyi Jeŭrasajuza
Jeŭrasajuz zaćvierdziŭ 19‑y pakiet sankcyj.
ES uklučyŭ u novy pakiet sankcyj biełaruski zavod «Haryzont», taksama abmiežavańni ŭviali suprać jaho hienieralnaha dyrektara Juryja Pradko. Jak adznačajecca ŭ abhruntavańni ŭ aficyjnym časopisie Jeŭrasajuza, kampanija raspracoŭvaje i vyrablaje tavary dvajnoha pryznačeńnia, jakija vykarystoŭvajucca ŭ asnaščeńni braniatechniki. Takim čynam, jaje razhladajuć jak častku vajenna-pramysłovaha kompleksu RB, piša DW.
U 19‑y sankcyjny pakiet taksama byŭ uklučany kiraŭnik «Biełnaftachima» Illa Ikan, a taksama pradpryjemstva «Hałahrafičnaja industryja» — jano vypuskaje hałahrafičnyja nalepki, jakija vykarystoŭvajucca ŭ akcyznych markach.
Akramia hetaha, ES uvioŭ sankcyi suprać troch bankaŭ — heta Śbier Bank, VTB Biełaruś i Alfa-Bank.