Biełarus pradaje słoik miodu za 1500 rubloŭ. Za što takija hrošy
Handal mahčymy tolki ŭ bok pavieličeńnia cany pradukta.
Na viadomaj internet-placoŭcy raźmieščana čarhovaja abjava ab prodažy ježy. Da realizacyi prapanujuć słoik miodu. Abjom tary — try litry, ale miodu ŭ im mienš, piša Blizko.
Aŭtar abjavy, jakaja była raźmieščana ŭ apošni dzień žniŭnia, spraviadliva nazyvaje svoj tavar «zołatam pčoł». Što ž u im asablivaha?
Heta ŭzrost. Pradaviec i sam da kanca nie ŭpeŭnieny, kolki hadoŭ hetamu miodu. «Stajaŭ hadoŭ dvaccać. Moža navat bolš hadoŭ na piać», — śćviardžaje jon. I dadaje, što samamu staromu miodu na ziamli — 5 tysiač hadoŭ.
Pradaviec miarkuje, što jahony tavar moža zacikavić kalekcyjanieraŭ miodu. Cana budzie karektavacca tolki ŭ bok pavieličeńnia, z krokam u 10% ad pieršapačatkovaha koštu. Cana hetaha słoika miodu — 1500 biełaruskich rubloŭ. Achvotnych nabyć jaho pakul nie znajšłosia.