Unačy była paralizavana praca aeraporta Vilni
Aeraport stalicy Vilni znoŭ byŭ zakryty z-za mieteazondaŭ ź Biełarusi. Niekalki rejsaŭ pieranakiravali ŭ bližejšyja aeraporty.
Archiŭnaje fota
Aeraport prypyniŭ svaju pracu 21 kastryčnika ŭ 22:23, paviedamlaje «Vołna».
Pryčynaj stała toje, što ŭ niebie nad Vilniaj byli zaŭvažanyja kantrabandnyja mieteazondy ź Biełarusi.
Rejsy ź Lisabona, Antalji, Treviza, Barsiełony pieranakiravali ŭ Koŭna, z Frankfurta i Bierlina — u Ryhu, z Łondana — u Varšavu, z Kapienhahiena — u Pałanhu. Samalot sa Stakholma viarnuŭsia ŭ aeraport adpraŭleńnia. Rejs ź Vilni ŭ Osła adpravicca paśla adkryćcia pavietranaj prastory.
Minuły raz pavietranuju prastoru ŭ rajonie aeraporta Vilni začyniali ŭnačy z 4 na 5 kastryčnika. Tady ŭ niebie nad aeraportam źjavilisia mieteazondy. 14 rejsaŭ byli admienienyja, a 16 — zatrymanyja.
Aeraport adkryŭsia ranicaj u 06:40 u sieradu.