Jeŭropa i Ukraina raspracoŭvajuć płan pa zaviaršeńni vajny z 12 punktaŭ
Hetym płanam Jeŭropa i Ukraina chočuć stvaryć procivahu patrabavańniam Pucina ab zdačy Kijevam dadatkovaj terytoryi ŭ abmien na mirnaje pahadnieńnie, śćviardžajuć krynicy Bloomberg.
Uładzimir Zialenski. Fota: AP
Jeŭrapiejskija krainy pracujuć z Ukrainaj nad płanam z 12 punktaŭ pa zaviaršeńni vajny z Rasijaj pa biahučych linijach frontu, tym samym stvarajučy procivahu patrabavańniam Uładzimira Pucina ab zdačy Kijevam dadatkovaj terytoryi ŭ abmien na mirnaje pahadnieńnie, piša Bloomberg.
Pa dadzienych vydańnia, za realizacyjaj płana budzie sačyć kamisija pa ŭstalavańni miru pad staršynstvam prezidenta ZŠA Donalda Trampa.
Płan praduhledžvaje abmien vajennapałonnymi pamiž Maskvoj i Kijevam i viartańnie ŭkrainskich dziaciej va Ukrainu paśla taho, jak abodva baki pahodziacca na pieramirje i spyniać prasoŭvańnie.
Ukraina atrymaje harantyi biaśpieki, srodki na adnaŭleńnie škody paśla vajny i šlach da chutkaha ŭstupleńnia ŭ Jeŭrasajuz, piša Bloomberg.