Pad Barysavam prajšli vučeńni — rychtavalisia da vajny FOTY
Na palihonie pad Barysavam prajšli kompleksnyja vučeńni, metaj jakich było prademanstravać hatoŭnaść struktur hramadzianskaj abarony da dziejańniaŭ va ŭmovach vajennaha času.
Padčas vučeńniaŭ adpracavali dziejańni pa šerahu nadzvyčajnych situacyj: tušyli pažar na enierhietyčnym abjekcie; likvidavali nastupstvy dyviersii na pompavaj stancyi, što vyklikała prablemy z aciapleńniem i elektrazabieśpiačeńniem; raźbirali zavały razburanaha budynka; likvidavali ŭdary pa hazapravodzie, tušyli naftapradukty; treniravalisia evakuiravać ludziej ź niebiaśpiečnych rajonaŭ i prymali ich na novym miescy i inš.
Jak prakamientavaŭ vyniki vučeńniaŭ dziaržsakratar Savieta Biaśpieki Alaksandr Valfovič, «treba być hatovymi da luboha raźvićcia situacyi. A heta dasiahajecca tolki treniroŭkami va ŭmovach, maksimalna nabližanych da realnych».