Zhraja vaŭkoŭ źbiehła ź Biełarusi ŭ Litvu VIDEA
Litoŭskija pahraničniki zafiksavali, jak u Čapkialskim bałotnym masivie ź Biełarusi ŭ Litvu miažu pierasiekła zhraja vaŭkoŭ, usiaho 9 źviaroŭ.
Heta adbyłosia ŭ niadzielu a 12-j. Na videa bačna, jak ź Biełarusi ŭ Litvu miažu pierasiekli i adzin za adnym ruchalisia 9 vaŭkoŭ.
Hetaje miesca znachodzicca ŭ Varenskim rajonie Litvy, na terytoryi Čapkialskaha dziaržaŭnaha pryrodnaha reziervata, dzie prachodzić miaža ź Biełaruśsiu (ź biełaruskaha boku Ščučynski rajon). Pa abodva baki jaje raspaścirajecca bałota.
Pierad miažoj ź Biełaruśsiu na litoŭskim baku, kab abaranicca ad napłyvu mihrantaŭ, pastavili kaluča-drotavuju i achoŭnuju aharodžu. U Čapkialskim bałotnym masivie z-za niestabilnaha hruntu i pryrodnych pieraškod takuju infrastrukturu była niemahčyma ŭstalavać, tamu miažu tut pamiežniki achoŭvajuć inšymi srodkami. Adzin ź ich — sistema nazirańnia za miažoj.