DAI prapanuje zamianić nievialikija maršrutki aŭtobusami bolšaj umiaščalnaści
Načalnik Hałoŭnaha ŭpraŭleńnia Dziaržaŭtainśpiekcyi Ministerstva ŭnutranych spraŭ Biełarusi Viktar Rotčankaŭ u efiry telekanała STB vykazaŭ prapanovu ŭvieści ŭ Biełarusi aŭtobusy z bolšaj umiaščalnaściu zamiest nievialikich maršrutak. Takoj budzie adna z prapanoŭ dla razhladu kamisii pa biaśpiecy darožnaha ruchu pry Saviecie Ministraŭ.
Fota ilustracyjnaje
«Heta pytańnie, moža być, skaračeńnia ruchomaha sastavu, jaki źmiaščaje mała pasažyraŭ. I ŭviadzieńnie transpartu, jaki zapatrabuje mienšaj jaho kolkaści, mienš kiroŭcaŭ, ale bolšaj jomistaści. Dapuścim, maršrutka, jakaja budzie iści ŭ niejki tam daloki rajon Respubliki Biełaruś, užo budzie nie 17 miescaŭ, a, naprykład, ad 25», — pryvioŭ prykład hałoŭny ŭ DAI pa Biełarusi.
Rotčankaŭ adznačyŭ, što maršrutak pry hetym stanie mienš, a chadzić jany mohuć radziej.
«Ale mienš kiroŭcaŭ i biaśpieka takich aŭtobusaŭ. Kali jany bolš bujnahabarytnyja, naturalna, pavyšajecca i biaśpieka», — skazaŭ milicejski čynoŭnik.
Pierad hetym u studyi abmiarkoŭvałasia aktualnaja ŭ Biełarusi nie tolki dla śfiery pasažyrskich pieravozak prablema deficytu kadraŭ.
Čytajcie taksama:
U Mahilovie zatrymali pjanaha kiroŭcu maršrutki
U Minsku skasujuć adzin z haradskich aŭtobusaŭ — žychary rajona aburanyja
DAI ŭzmacniła kantrol za pieravozkaj pasažyraŭ u maršrutkach