«Kibierpartyzany» zajavili, što zdabyli bazu danych danosčykaŭ KDB

Jak paviedamlaje supolnaść «Kibierpartyzany», im udałosia atrymać danyja bolš čym 2000 ludziej, jakija ŭzajemadziejničali z Kamitetam dziaržaŭnaj biaśpieki za apošnija niekalki hadoŭ.

Jak śćviardžajecca, «u śpis uvajšli nie tolki tyja, chto razmaŭlaŭ z KDB pa palityčnych pytańniach (ale imknulisia vyklučać zapyty ŭ archiŭ)».

Hetym razam uvieś śpis «Kibierpartyzany» publikavać nie buduć, bo raźličvajuć atrymlivać ad svajoj krynicy danyja i paśla. Vykarystoŭvać ža atrymanyja źviestki płanujuć «dla ŭnutranaj pracy pa vyličeńni ahientury i danosčykaŭ KDB».

Akramia taho, «Kibierpartyzany» atrymali danyja pa 4400 supracoŭnikach KDB, jakija pracujuć ciapier i kali-niebudź pracavali ŭ hetaj arhanizacyi. Ich zahruzili ŭ bot pa deanonu siłavikoŭ.

@nashaniva «Kibierpartyzany» paviedamili, što jany atrymali danyja bolš čym dźviuch tysiač danosčykaŭ Kamiteta dziaržaŭnaj biaśpieki Biełarusi za apošnija niekalki hadoŭ #biełaruś #našaniva #milicija #milicijabiełarusi ♬ Criminals - F.O.O.L

Kamientary da artykuła