«Кіберпартызаны» заявілі, што здабылі базу даных даносчыкаў КДБ

Як паведамляе супольнасць «Кіберпартызаны», ім удалося атрымаць даныя больш чым 2000 людзей, якія ўзаемадзейнічалі з Камітэтам дзяржаўнай бяспекі за апошнія некалькі гадоў.

Як сцвярджаецца, «у спіс увайшлі не толькі тыя, хто размаўляў з КДБ па палітычных пытаннях (але імкнуліся выключаць запыты ў архіў)».

Гэтым разам увесь спіс «Кіберпартызаны» публікаваць не будуць, бо разлічваюць атрымліваць ад сваёй крыніцы даныя і пасля. Выкарыстоўваць жа атрыманыя звесткі плануюць «для ўнутранай працы па вылічэньні агентуры і даносчыкаў КДБ».

Акрамя таго, «Кіберпартызаны» атрымалі даныя па 4400 супрацоўніках КДБ, якія працуюць цяпер і калі-небудзь працавалі ў гэтай арганізацыі. Іх загрузілі ў бот па дэанону сілавікоў.

@nashaniva «Кіберпартызаны» паведамілі, што яны атрымалі даныя больш чым дзвюх тысяч даносчыкаў Камітэта дзяржаўнай бяспекі Беларусі за апошнія некалькі гадоў #беларусь #нашаніва #милиция #милициябеларуси ♬ Criminals - F.O.O.L

Каментары да артыкула