Pačynajuć zavočna-paśmiarotna sudzić za hienacyd jašče adnaho karnika Druhoj suśvietnaj
Viarchoŭny sud pačnie siońnia sudovy razhlad a kryminalnaj spravie ŭ dačynieńni da Alaksandra Jarmolčyka, jaki naradziŭsia ŭ 1915 hodzie, a pamior u 1984 hodzie. Jaho abvinavačvajuć u hienacydzie (art. 127), paviedamlaje BiełTA.
Ilustracyjnaje fota z pasiadžeńnia Viarchoŭnaha suda. BiełTA
Paviedamlajecca, što Jarmolčyk, pieraśledujučy metu płanamiernaha źniščeńnia biełaruskaha naroda, vosieńniu 1941 hoda dobraachvotna ŭstupiŭ u vajenizavanaje padraździaleńnie dapamožnaj palicyi, jakoje dysłakavałasia ŭ Chojnikach. Z červienia 1942 hoda jon uznačalvaŭ heta padraździaleńnie.Ustanoŭlena 25 epizodaŭ jaho złačynnaj dziejnaści.
Jamu inkryminavanyja zabojstvy, u tym liku ździejśnienyja z asablivaj žorstkaściu.
Sudovy razhlad pa spravie Jarmolčyka ŭžo piaty ŭ dačynieńni nacysckich karnikaŭ. 17 kastryčnika byŭ vyniesieny abvinavaŭčy prysud u dačynieńni da Vosipa Vinickaha. Karnik pryznany vinavatym u hienacydzie biełaruskaha naroda biez pryznačeńnia pakarańnia ŭ suviazi z tym, što abvinavačvany pamior.
Raniej tak byli asudžanyja Uładzimir Katruk, Kanstancin Smoŭski, Symon Sierafinovič.