Rabotnika zakaźnika, jaki zabiŭ pałkaj vaŭčania, aštrafavali
Pra hetuju historyju stała viadoma ŭ siaredzinie vieraśnia. U internecie źjaviłasia videa, na jakim supracoŭnik zakaźnika «Vyhanaščanskaje» pałkaj zabivaje kulhavaje vaŭčania na vačach u dziciaci. Ciapier stała viadoma, jak pakarali mužčynu.
Tady kadry zdareńnia vyklikali rezanans: častka kamientataraŭ patrabavała pakarać mužčynu, adnak niekatoryja paličyli, što žyvioła mahła być niebiaśpiečnaj i chvareć na šalenstva.
Dyrektar zakaźnika zajaŭlaŭ, što supracoŭnik pastupiŭ pravilna, a Ministerstva pryrodnych resursaŭ i achovy navakolnaha asiarodździa paabiacała pravieści pravierku.
Jak paviedamili ŭ efiry telekanała ANT, sud pakaraŭ supracoŭnika zakaźnika štrafam (pamier vypłaty nie ŭdakładniajecca), ale mužčyna abskardziŭ rašeńnie ŭ sudzie vyšejšaj instancyi, tamu kropka ŭ hetaj historyi jašče nie pastaŭlena.
Vyśvietliłasia taksama, jak videa trapiła ŭ sacsietki: mužčyna sam adpraviŭ zapis znajomamu palaŭničamu.
Ekśpiertyza pakazała, što voŭk šalenstvam nie chvareŭ.