Minsk uvajšoŭ u top samych papularnych haradoŭ dla pajezdak rasijan na listapadaŭskija vychadnyja
Samyja papularnyja kirunki dla karotkaha adpačynku rasijan — Minsk, Maskva i Pieciarburh. Takuju statystyku pryviali analityki servisu anłajn-braniravańnia žylla «Sutočno.ru», piša TASS.
Ilustracyjny zdymak
«Uznačalvajuć top-10 haradoŭ dla pajezdak Maskva, Pieciarburh i Minsk. Taksama ŭ pieralik samych papularnych kirunkaŭ uvachodziać Sočy, Kalininhrad, Kazań, Nižni Noŭharad, Jarasłaŭl, Krasnadar, Kisłavodsk», — raspaviali analityki.
Pa słovach dyrektara pa markietynhu rasijskaha servisu anłajn-braniravańnia žylla «Sutočno.ru» Ajrata Musina, u 2025 hodzie popyt na pajezdki na listapadaŭskija śviaty značna vyšejšy, čym u minułym. Pa jaho słovach, kolkaść braniravańniaŭ pavialičyłasia prykładna na 50%, što źviazana z bolš doŭhimi vychodnymi.
«Na śviaty rasijanie addajuć pieravahu bujnym haradam z raźvitaj infrastrukturaj i mahčymaściami dla kulturnaha volnaha času. Kurorty ŭ hety pieryjad nie karystajucca vysokim popytam, ludzi addajuć pieravahu karotkim pajezdkam niedaloka ad doma.
Top haradoŭ zastaŭsia tym ža, što i ŭ minułym hodzie, ale na hetyja śviaty ŭ jaho dadaŭsia jašče Krasnadar. Popyt na jaho mocna vyras paśla adkryćcia aeraporta», — skazaŭ jon.