U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku
51‑hadovaha ŭdzielnika KVZ Vasila Kraŭčuka zatrymali ŭ Pieciarburhu. Try hady tamu mužčynu asudzili na radzimie da dvuch hadoŭ chatniaj chimii za kamientaryj u telehramie — jon pažartavaŭ pra supracoŭnicu Inśpiekcyi pa spravach niepaŭnaletnich.
51‑hadovy ŭradženiec Pinska i vieteran KVZ Vasil Kraŭčuk byŭ zatrymany ŭ Rasii.
Jak raspaviadała «Viasna», 20 śniežnia 2020 hoda Vasil ubačyŭ u telehramie navinu pra toje, jak u adnoj biełaruskaj škole supracoŭnica milicyi kryčała na dziaciej, vykarystoŭvajučy pry hetym niecenzurnuju leksiku. Z hetaj nahody pinčuk napisaŭ u kamientarach žart u telehram-kanale «Karatieli Biełarusi», jaki raniej hučaŭ na telebačańni ŭ prahramie KVZ. Heta byŭ pierafrazavany frahmient viadomaj dziciačaj pieśni «Pusť biehut nieuklužie» z multfilma pra Čaburašku i Krakadziła Hienu.
Kamientar byŭ nastupnaha źmiestu: «Lera stierva na rabotie, Lera stierva i v bytu, potomu čto sieks u Lery, tolko raz v hodu».
Praz dva tydni supracoŭniki milicyi pryjechali ŭ kvateru maci Vasila, za jakoj mužčyna pryhladaje, advieźli jaho pa miescy pražyvańnia i praviali tam pieratrus. Praz dva tydni siłaviki pryjechali ŭ kvateru maci abvinavačanaha i kanfiskavali stareńki smartfon.
U vyniku suprać Vasila zaviali kryminalnuju spravu pa art. 369 KK za abrazu supracoŭnika milicyi.
Prakuror zaprasiŭ dla komika pakarańnie ŭ vyhladzie dvuch hadoŭ abmiežavańnia voli biez nakiravańnia ŭ papraŭčuju ŭstanovu adkrytaha typu. Taksama sud pastanaviŭ vypłacić paciarpiełaj milicyjantcy 1000 rubloŭ maralnaj škody.
Praz try miesiacy paśla prysudu mužčyna pierastaŭ vychodzić na suviaź i byŭ abvieščany ŭ vyšuk, piša rasijski 47news. Znajści jaho ŭdałosia tolki praz try hady — u Pieciarburhu.
Ciapier Vasil znachodzicca ŭ adździaleńni palicyi Maskoŭskaha rajona, čakaje ekstradycyju ŭ Biełaruś.
Taksama palicyja Pieciarburha za pratesty zatrymała 27‑hadovaha minčanina. U 2024 hodzie jon byŭ abjaŭleny ŭ vyšuk, u Biełarusi jon zavočna aryštavany. Inšych padrabiaznaściaŭ pra jaho pakul niama.