Litva zaviaršyła vajskovyja vučeńni na miažy ź Biełaruśsiu
U Litvie kala miažy ź Biełaruśsiu zaviaršylisia mižnarodnyja vučeńni NATA Geležinis Vilkas 2025‑II («Žalezny voŭk 2025-II»). Jany prachodzili z 6 pa 18 kastryčnika na palihonie ŭ Padbrodździ, prykładna za 15 kiłamietraŭ ad biełaruskaj miažy.
Zdymak ilustracyjnaje. Fota: Sean Gallup/Getty Images
U manieŭrach udzielničali bolš za try tysiačy vajskoŭcaŭ ź Litvy i inšych krain NATA — Bielhii, Čechii, Luksiemburha, Niderłandaŭ, Narviehii, Charvatyi i Hiermanii. Było zadziejničana kala 650 adzinak vajskovaj techniki, u tym liku haŭbicy, bajavyja mašyny piachoty, supraćtankavyja i rakietnyja kompleksy, a taksama bieśpiłotniki.
Padčas vučeńniaŭ vajskoŭcy adpracoŭvali nastupalnyja i abarončyja dziejańni, a finalny etap uklučaŭ bajavyja strelby z vykarystańniem realnych bojeprypasaŭ va ŭmovach, nabližanych da bajavych.
Raniej paviedamlałasia, što ŭ Litvie ź vieraśnia pa kastryčnik prachodziać jašče adny bujnyja vučeńni — Perkūno Griausmas 2025 («Hrom Piarkunasa 2025»), u jakich udzielničaje kala 17 tysiač vajskoŭcaŭ pa ŭsioj krainie.
Čytajcie taksama:
Valfovič raskazaŭ Łukašenku pra vučeńni i zalot bieśpiłotnikaŭ u Biełaruś
Dziaciej pa ŭsioj Rasii pačali navučać dziejańniam pry atacy dronaŭ