U «Biełarusnafcie» raskazali, jak vyrašajuć prablemu čerhaŭ na AZS

17 kastryčnika padčas narady z uradam Alaksandr Łukašenka daručyŭ navieści «žalezny paradak» z čerhami na zapraŭkach da paniadziełka. Paśla hetaha kampanija «Biełarusnafta» raskazała, jakija miery jana prymaje dla vyrašeńnia situacyi.

Jak paviedamili ŭ «Biełarusnafcie», u pieryjady pavyšanaha trafiku na zapraŭkach budzie pracavać dadatkovy piersanał, kab paźbiehnuć zatoraŭ. Kali aŭtamabil zajmaje kałonku zanadta doŭha, apieratary paviedamiać pra heta kiroŭcu— u tym liku praz hučnahavaryciel.

U kampanii padkreślivajuć, što kalektyvy AZS sočać za zachavańniem kultury pavodzin i dyscypliny na terytoryi zapravak i starajucca zrabić tak, kab «kožny klijent zastaŭsia zadavoleny — niezaležna ad taho, pryjšoŭ jon zalić paliva ci prosta vypić kavy».

Akramia taho, kiroŭcaŭ buduć aktyŭniej infarmavać pra sučasnyja sposaby apłaty paliva i tavaraŭ. Ciapier na zapraŭkach pastavili kala 140 terminałaŭ samaabsłuhoŭvańnia, i ich kolkaść płanujuć pavialičyć.

Taksama klijentam nahadvajuć pra mabilny dadatak «Biełarusnafty», praź jaki možna chutka apłacić paliva i inšyja pasłuhi biez čarhi.

Kamientary da artykuła