Łukašenka: Hodzie ŭžo budavać muziejaŭ, dastatkova adnaho
Alaksandr Łukašenka na naradzie pa ekanamičnych prahnozach na 2026 hod zajaviŭ, što jość napramki, na jakija varta ŭ pieršuju čarhu nakiroŭvać srodki. Naprykład, na budaŭnictva sučasnych kompleksaŭ u sielskaj haspadarcy dla ŭtrymańnia bujnoj rahataj žyvioły, paviedamlaje jaho pres-słužba.
Fota: president.gov.by
«Chopić užo hetych pałacaŭ i kulturnych abjektaŭ. Važniej, napeŭna, ludziam pabudavać žyllo. Nie treba raskidvacca hrašyma, jakich u vas niama. Abjektyŭna treba aceńvać situacyju i spynić budaŭnictva ŭsialakich muziejaŭ, damoŭ adpačynku i inšaha. Hetyja treba zadziejničać, — adznačyŭ jon. — Voś adzin muziej pabudujem — tam i dziaržava, i dabračynnaść. Usie razam. I dastatkova hetaha adnaho muzieja [havorka idzie pra budaŭnictva ŭ Minsku novaha budynka Nacyjanalnaha histaryčnaha muzieja]. Dastatkova! Ludzi pryjeduć, buduć hladzieć, tamu što na miescach ich užo akijan. Toje samaje i pa inšych abjektach».