Kubrakoŭ sabraŭ terminovuju naradu ź milicejskimi načalnikami, kab razabracca z tymi, chto pje kavu na AZS
Siońnia Alaksandr Łukašenka daručyŭ ministru ŭnutranych spraŭ Ivanu Kubrakovu razabracca z tymi, chto pje kavu na AZS, i navieści tam «žalezny paradak». «Nichto prajechać nie moža, a jany kavu pjuć», — skazaŭ Łukašenka. Kab vykanać heta daručeńnie, Kubrakoŭ terminova sklikaŭ na naradu načalnikaŭ abłasnych UUS i HUUS Minharvykankama.
Terminovaja narada ministra ŭnutranych spraŭ i načalnikaŭ abłasnych UUS i HUUS Minharvykankama pa kantroli za raśpićciem kavy na AZS, 16 kastryčnika. Skryn ź videa MUS
Jak paviedamlaje pres-słužba MUS, «u metach vykanańnia daručeńnia kiraŭnika dziaržavy», Kubrakoŭ «pastaviŭ zadaču Dziaržaŭtainśpiekcyi ažyćciaŭlać pastajanny kantrol za situacyjaj, jakaja składvajecca na AZS, u tym liku z vykarystańniem Respublikanskaj sistemy manitorynhu hramadskaj biaśpieki, i apieratyŭna prymać miery reahavańnia».
Prafiłaktyčnaja hutarka rejdavaj hrupy nakont niekantralavanaha raśpićcia kavy na AZS, 16 kastryčnika. Fota: pres-słužba MUS
Da taho, Kubrakoŭ daŭ zadańnie pa ŭsioj krainie stvaryć rejdavyja hrupy dla manitorynhu AZS.
Z kiraŭnictvam aŭtazapravak, jak paviedamlaje MUS, užo praviedzienyja prafiłaktyčnyja hutarki ab «raźmiežavańni dziejnaści pa realizacyi paliva i prodažy spadarožnych tavaraŭ, praduktaŭ charčavańnia».