Emihranty zdali ŭ Biełarusi druhi ekzamien pa dziaržaŭnaj movie
Pieršy ekzamien prajšoŭ 30 vieraśnia. Tady testy zdavali kala 90 čałaviek. Ciapier ža na vyprabavańnie pryjšło ŭdvaja bolš achvotnych — 182 čałavieki.
Fota: Sputnik
«Intares da testavańnia raście: usio bolš rabočych-mihrantaŭ imknucca aficyjna ŭładkavacca na pracu ŭ Biełarusi i paćviardžajuć svaje viedy na spravie», — zajavili ŭ Ministerstvie adukacyi.
Zamiežniki ž spravilisia z testami ŭ bolšaści svajoj paśpiachova. U vyniku 68% atrymali stanoŭčy vynik.
U Ministerstvie adukacyi ž pryznačyli nastupnuju datu — 30 kastryčnika.
Rehistracyja adkryta va ŭsich punktach testavańnia. Novyja zadańni pa ruskaj i biełaruskaj movach užo hatovyja — ich dastaviać prosta ŭ dzień ekzamienu.