Łukašenka zajaviŭ, što situacyja ŭ ekanomicy nieadnaznačnaja
«Try ź piaci najvažniejšych paramietraŭ prahnozu na hety hod nie vykonvajucca».
Fota: Sergei Bobylev, Sputnik, Kremlin Pool Photo via AP
Na naradzie 16 kastryčnika abmiarkoŭvalisia prajekty dakumientaŭ pa sacyjalna-ekanamičnym raźvićci krainy, prahnoz pracy ekanomiki i biudžet na nastupny hod, paviedamlaje BiełTA.
Łukašenka nahadaŭ, što ŭ hetym hodzie zaviaršajecca realizacyja šostaj piacihadovaj prahramy. I da kanca 2025‑ha treba prykłaści nievierahodnyja namahańni, kab vykanać usie daviedzienyja paramietry.
«Pakul karcina nieadnaznačnaja, — adznačyŭ jon. — Z adnaho boku, jość vidavočny vynik: stabilny rost zarobku, ahulnyja dachody nasielnictva. Dvojčy ŭ hetym hodzie ŭdałosia padniać piensii. U nas mocnaja nacyjanalnaja valuta. Rekordna pavialičvajucca zołatavalutnyja reziervy».
«Z druhoha boku, jość ciapierašni spad u šerahu tradycyjnych halin. Try ź piaci najvažniejšych paramietraŭ prahnozu na hety hod nie vykonvajucca (pakul), — praciahnuŭ Alaksandr Łukašenka. — Vałavy ŭnutrany pradukt pavialičyŭsia mienš čym na 2% za 8 miesiacaŭ».