Cana zołata — 4250 dalaraŭ
Biržavaja cana na zołata abnaviła histaryčny rekord, pieravysiŭšy $4 250 za trojskuju* uncyju.
Osaka / Wayne Studio / Getty Images
Ceny na zołata adnavili rost paśla taho, jak prezident ZŠA Donald Tramp anansavaŭ uviadzieńnie 100‑pracentnych pošlin na ekspart z Kitaja. Inviestary bajacca, što handlovaja vajna pamiž ZŠA i Kitajem adnavicca.
Tradycyjna zołata razhladajecca inviestarami jak srodak zachavańnia kapitału ŭ pieryjady niestabilnaści. Jano stała adnym z najbolš prybytkovych aktyvaŭ u 2025 hodzie. Rost skłaŭ amal 50 pracentaŭ.
* Trojskaja uncyja — adzinka vymiareńnia masy, jakaja roŭnaja 31,1034768 hrama. Nazvana ad francuzskaha horada Trua, jaki ŭ Siaredniavieččy byŭ važnym centram mižnarodnaha handlu.
U sučasnym śviecie trojskaja uncyja šyroka vykarystoŭvajecca ŭ bankaŭskaj spravie, juvielirnaj spravie dla vyražeńnia masy kaštoŭnych mietałaŭ, a taksama ŭ niekatorych inšych halinach, naprykład, u aptekarskaj spravie, u kaśmietycy.
U toj ža čas jość inšyja uncyi. Mižnarodnaja uncyja (28,35 hrama), jakaja dla abaznačeńnia masy praduktaŭ i pašyranaja ŭ ZŠA i Brytanii, ispanskaja, francuzskaja, partuhalskaja dy inš.