U Hrodnie baćka vučyŭ siamihadovuju dačku stralać i trapiŭ joj u ruku

U adździeł unutranych spraŭ Hrodzienskaha rajvykankama pastupiła paviedamleńnie ad doktara pryjomnaha pakoja abłasnoj dziciačaj kliničnaj balnicy. Siamihadovaj dziaŭčyncy akazali miedycynskuju dapamohu, ź levaj ruki joj vydalili pnieŭmatyčnuju kulu, piša Dziaržaŭny kamitet sudovych ekśpiertyz.

U chodzie śledstva było ŭstanoŭlena, što baćka dziaŭčynki na dvary vučyŭ dačku stralać ź pnieŭmatyčnaha pistaleta. Paśla zakančeńnia zaniatkaŭ jon vypadkova streliŭ i trapiŭ u ruku dziaŭčyncy.

Mužčyna paviedamiŭ siłavikam, što nabyŭ pryładu ŭ 2023 hodzie ŭ Maskvie.

Sudovyja ekśpierty ŭ suviazi z hetym nahadvajuć, što lubaja pnieŭmatyčnaja zbroja — krynica pavyšanaj niebiaśpieki. Navat «lohkaja» pnieŭmatyka z enierhijaj da 3 Dž moža nanieści surjoznyja traŭmy.

Kamientary da artykuła