Submaryna «Navarasijsk» idzie ŭ Kranštat paśla vymušanaha ŭspłyćcia kala Francyi
Padvodnaja łodka «Navarasijsk», jakaja niečakana ŭspłyła la bierahoŭ Francyi, idzie ŭ bok porta ŭ Kranštacie. Jaje prybyćcio čakajuć 21 kastryčnika, piša VČK-OHPU.
Frehat VMS Francyi byŭ nakiravany dla nazirańnia za submarynaj
Krynica VČK-OHPU raskazała, što padvodnaja łodka «Navarasijsk», jakaja 12 kastryčnika niečakana ŭspłyła la bierahoŭ Francyi, idzie ŭ bok porta ŭ Kranštacie. Pavodle krynicy, za čas dziažurstva na łodcy adbyłosia 10 zdareńniaŭ. Heta zboi ŭ navihacyjnaj sistemie, prahramnym zabieśpiačeńni i pracy pieryskopa. Samaje bujnoje, pra jakoje jašče ŭ vieraśni paviedamiła VČK-OHPU, — uciečka paliva prosta ŭ trum z-za paškodžańniaŭ u paliŭnaj sistemie.
«Luby piśmienny śpiecyjalist ź luboj krainy vam skaža, što łodka, choć i «hanarliva» trymajecca na płavu, ale nijakija bajavyja zadačy ŭ takim stanie vykonvać nie zdolnaja. Adsiul i žarty zachodnich vajskoŭcaŭ», — adznačyła krynica.
Pavodle słoŭ krynicy, u Kranštacie na łodcy źmieniać ekipaž i buduć vyrašać, što rabić ź niaspraŭnaściami, asabliva ŭ dyzielnaj sistemie.