Novaja abłava: zatrymali dziasiatki svajakoŭ palitviaźniaŭ i tych, chto im dapamahaŭ — što viadoma
Pra pieršych zatrymanych «Našaj Nivie» stała viadoma 12 kastryčnika.
Ilustracyjnaje fota z archiva «Našaj Nivy»
Nam stała viadoma pra zatrymańni svajakoŭ palitviaźniaŭ dy ludziej, jakija sami paciarpieli ad represijaŭ, a taksama tych, chto sam dapamahaŭ paciarpiełym.
Niekatorych abjadnoŭvaje taksama toje, što jany paraŭnalna niadaŭna atrymlivali dapamohu.
Niekatorych z zatrymanych paśla dopytaŭ adpuścili, los inšych nieviadomy. Lik zatrymanych, pa našaj infarmacyi, idzie na dziasiatki.
Hetaja chvala zatrymańniaŭ pa svaim typie nahadvaje chapun 2024 hoda, kali za dapamohu palitviaźniam i ich siemjam ci atrymańnie takoj dapamohi adnačasova zatrymali kala tysiačy biełarusaŭ.