Pamior piśmieńnik Aleś Pałynski
Jamu było 58 hadoŭ.
Fota z fejsbuka Alesia Pałynskaha
«U subotu ja hraŭ kancert, śpiavaŭ pieśni na jahonyja vieršy, raskazvaŭ prykaluchi roznyja pra jaho. U subotu jon pamior. Jon u Połacku, jaho žonka ŭ turmie. Jaho navat niama kamu pachavać», — napisaŭ u tvitary jahony syn Ihar Pałynski, jaki vymušana žyvie za miažoj i nie moža viarnucca ŭ Biełaruś.
Aleś Pałynski naradziŭsia 14 vieraśnia 1967 hoda. Skončyŭ žurfak BDU. Drukavaŭsia ŭ «Našaj Nivie» i na sajcie Radyjo Svaboda. Žyŭ u Połacku.
Jaho žonka Cina Pałynskaja i jaje dačka Marharyta Rabinovič byli zatrymanyja ŭ mai 2025 hoda i źmieščany pad vartu pa kryminalnaj spravie.
Pravaabaroncy miarkujuć, što sprava moža być źviazana z rašeńniem KDB pryznać «Biełaruskuju analityčnuju majsterniu» ekstremisckim farmavańniem. Hetaja arhanizacyja pravodziła sacyjałahičnyja apytańni siarod biełaruskich hramadzian.