CHAMAS pieradaŭ usich zakładnikaŭ
U toj ža čas u Hazie zastajucca cieły 28 zahinułych pałonnych.
Adzin ź pieradadzienych zakładnikaŭ. Fota: 9‑y kanał
13 tych, chto zastaŭsia ŭ žyvych zakładnikaŭ, byli pieradadzieny rucham CHAMAS pradstaŭnikam Čyrvonaha Kryža ŭ Hazie, paviedamiŭ Reuters adzin z čynoŭnikaŭ, jaki ŭdzielničaje ŭ pracedury vyzvaleńnia.
A 8‑j ranicy siem čałaviek užo byli vyzvaleny i prybyli na terytoryju Izraila.
U toj ža čas u Hazie zastajucca cieły 28 zahinułych pałonnych.
Nahadajem, u chodzie ataki CHAMAS na Izrail 7 kastryčnika 2023 hoda zahinuli 1200 čałaviek, a 250 čałaviek byli ŭziatyja ŭ zakładniki.
Ciaham niekalkich miesiacaŭ CHAMAS pieradavaŭ na niekalki zakładnikaŭ, častka zahinuła ŭ pałonie. Tak u chodzie pieršaha abmienu byli pieradadzienyja 105 čałaviek, 30 i 20 padčas druhoha i treciaha abmienaŭ. Vosiem čałaviek CACHAŁ (Armija abarony Izraila) vyzvaliła padčas bajavoj apieracyi.
Siońnia ŭ Izrail prylacieŭ Donald Tramp, jaki raniej pahražaŭ CHAMAS piekłam, kali jany nie vydaduć zakładnikaŭ.
Čytajcie taksama:
Pieršyja siem izrailskich zakładnikaŭ pieradadzienyja Čyrvonamu Kryžu