U Biełarusi źbirajucca častkova apłačvać 14‑dzionny adpačynak baćku pry naradžeńni dziciaci
Zvyčajna hety adpačynak dajecca biez zachavańnia zarabotnaj płaty, kali inšaje nie praduhledžana kalektyŭnym dahavoram abo najmalnikam.
«U hety pieryjad tata razam z mamaj moža ažyćciaŭlać dohlad za dziciem. Takaja mahčymaść źjaviłasia ŭ nas u 2020 hodzie. Z hetaha času my ŭžo dvojčy praanalizavali praktyku pradastaŭleńnia hetaha adpačynku. Taty nie nadta iduć na heta. Asnoŭnaja pryčyna — u adsutnaści apłaty hetaha pieryjadu.
U tych arhanizacyjach, dzie najmalnikam praduhledžana apłata hetaha adpačynku, baćki jaho biaruć. Tamu zaraz my pracujem nad tym, kab unieści źmieny ŭ Pracoŭny kodeks, my prapanujem častkova apłačvać hety adpačynak. Pahladzim, jak hetaja norma pojdzie», — paviedamiła načalnik upraŭleńnia narodanasielnictva, hiendarnaj i siamiejnaj palityki Ministerstva pracy i sacyjalnaj abarony Śviatłana Biełaš.
U Biełarusi ŭsiaho 1% baćkaŭ sychodzić u dekret.