«Toje, što treba piensijanieram». Biełaruski ekzaškilet nibyta ad MTZ zachapiŭ tyktok
U tyktoku videa z rekłamaj «biełaruskaha ekzaškileta», jaki nahadvaje ŭdaskanalenaha transformiera abo rabatyzavany kaścium z halivudskich bajevikoŭ, sabrała bolš 450 tysiač prahladaŭ, zaŭvažyŭ «Telehraf».
U roliku pryładaj kiruje pažyłaja žančyna, jakaja ź jaho dapamohaj siače drevy, nosić karoŭ i apracoŭvaje ziamlu.
Hołas za kadram zajaŭlaje pra hruzapadymalnaść u 900 kh, adsutnaść nieabchodnaści paśviedčańnia kiroŭcy i siłkavańnie aparata ad dyzielnaha paliva.
Adnak uvieś siužet byŭ zhienieravany z dapamohaj štučnaha intelektu, pra što aŭtar sumlenna papiaredziŭ u apisańni da videa.
Tym nie mienš, heta nie pieraškodziła roliku sabrać dziasiatki tysiač łajkaŭ i šmatlikija reposty.
«Narešcie zdahadalisia pra toje, što treba piensijanieram», — pišuć kamientatary.