Afhancy kažuć, što ŭ bajach z talibami zahinuli 12 pakistanskich vajskoŭcaŭ. Pakistan zajaŭlaje, što pieramožna hromić voraha
Taliby zmahli zachapić piać prapusknych punktaŭ na miažy z Pakistanam. Ale ŭ pakistancaŭ inšaja viersija.
Skrynšot videa Tolo News
12 pakistanskich vajskoŭcaŭ zahinuli ŭ sutyknieńniach z talibami na miažy z Afhanistanam. Pra heta paviedamlaje afhanskaje vydańnie Tolo News.
Pavodle źviestak partała, talibam taksama ŭdałosia ŭziać u pałon piać pakistanskich vajskoŭcaŭ i zachapić adzin tank. Sutyknieńni iduć u mnohich rajonach na miažy. Papiarednie talibam udałosia zachapić dva prapusknyja punkty pakistanskich sił u pravincyjach Hilmiend i Zabul.
Taksama paviedamlajecca pra zachop troch kantrolna-prapusknych punktaŭ pakistanskich sił u pravincyi Paktyja.
Ministerstva abarony ŭrada Talibana zajaviła pra «skaardynavanyja ataki ŭ adkaz» na Pakistan — pad udar trapili pazicyi vajskoŭcaŭ na miažy pravincyj Chost, Paktyja, Paktyka i Hilmiend.
U Pakistana inšaja viersija. Miascovaje vydańnie Daily Independent abvinavačvaje talibaŭ u nie spravakavanym napadzie. U adkaz pakistanskaja armija pierajšła ŭ kontrataku z užyvańniem artyleryi, tankaŭ i ciažkaha ŭzbrajeńnia. U vyniku pakistancy źniščyli dziasiatki talibaŭ, a taksama razhramili niekalki afhanskich pastoŭ na miažy. Pry hetym bai praciahvajucca.
Adnosiny pamiž talibami i Pakistanam znoŭ uskładnilisia ŭ piatnicu. Urad Talibana abvinavaciŭ susiedziaŭ u naniasieńni avijaŭdaraŭ pa pryhraničnym horadzie i vybuchach u Kabule. Taliby abvinavacili Pakistan u parušeńni suvierenitetu Afhanistana.
Čytajcie taksama:
Ciažkija bai na miažy Afhanistana i Pakistana: taliby ŭstupili ŭ boj z pakistanskaj armijaj