Sabalenka prajhrała ŭ paŭfinale turniru va Uchani. Čaćviortaha tytuła nie budzie
Sieryja pieramoh biełaruski na hetym turniry pierarvałasia na adznacy ŭ 20.
Aryna Sabalenka. Fota: Robert Prange / Getty Images
Pieršaja rakietka śvietu Aryna Sabalenka prajhrała ŭ paŭfinale prestyžnaha turniru va Uchani. Biełaruska sastupiła šostaj rakietcy śvietu z ZŠA Džesicy Piehule — 6:2, 4:6, 6:7.
Biełaruskaja tenisistka pieramahała na hetym turniry try razy zapar: ŭ 2018, 2019 hadach da pandemii i ŭ 2024 hodzie. Ale ciapier abaranić tytuł nie zmahła.
Cikava, što ŭ čverćfinale Sabalenka atrymała 20‑iu pieramohu zapar na hetym turniry. Z 1990‑ch takija sieryi ŭdavalisia tolki lehiendam Monicy Sieleš i Štefi Hraf, a taksama eks-pieršaj rakietcy śvietu Karalin Vaźniacki.
Sabalenka ŭžo dakładna skončyć hod na pieršym miescy ŭ suśvietnym rejtynhu. Hetaja paraza joj nie pieraškodzić.