Valetu pryznali samaj pryhožaj stalicaj śvietu
Maleńkaja Valeta, stalica Malty, pryznana samaj pryhožaj stalicaj śvietu pavodle viersii časopisa Condé Nast Traveller. Horad zaniaŭ pieršaje miesca ŭ rejtynhu Readers’ Choice Awards 2025, apiaredziŭšy takich turystyčnych hihantaŭ, jak Paryž, Afiny i Lisabon.
Va ŭłasna Valecie žyvie 5,5 tysiač žycharoŭ, tady jak u pryharadach 390 tysiač. Płošča ŭsiaho 80 hiektaraŭ (0,8 kvadratnych kiłamietra). Fota: Silvyne Sonnet / Getty Images
U hałasavańni ŭdzielničali bolš za 182 tysiačy čytačoŭ, jakija aceńvali kulturu, kuchniu i haścinnaść, piša Bild.
Valeta nabrała 97,33 bała z 100, staŭšy nie tolki najlepšym napramkam Jeŭropy, ale i hałoŭnym horadam śvietu dla padarožnikaŭ. Ministr turyzmu Malty Jan Borh zajaviŭ, što «hetaja ŭznaharoda adlustroŭvaje hłybokuju ŭdziačnaść padarožnikaŭ da našaj kulturnaj spadčyny i haścinnaści maltyjcaŭ».
Horad pamieram mienš za adzin kvadratny kiłamietr ujaŭlaje saboj sapraŭdny muziej pad adkrytym niebam, u jakim jość baročnyja pałacy, staražytnyja fartečnyja ścieny, cerkvy i vuzkija vułački. Valeta była zasnavana rycarami Maltyjskaha ordena ŭ XVI stahodździ i z 1980 hoda ŭvachodzić u śpis Suśvietnaj spadčyny JUNIESKA.
Stalica Malty viadomaja i dziakujučy filmam — tut zdymalisia «Hładyjatar», «Troja» i pieršaja sieryja «Hulni tronaŭ», dzie Valeta stała pratatypam Karaleŭskaj Havani.