Hurt «Technałohija» ŭsio ž vystupić u Pleščanicach
Afiša z novym anonsam kancerta papularnaha ŭ pieršaj pałovie 1990‑ch hurta «Technałohija» źjaviłasia ŭ miascovym pabliku ŭ instahramie.
Ciapier paviedamlajecca, što hurt vystupić u haradskim pasiołku Łahojskaha rajona 18 kastryčnika ŭ 18:00 u ramkach śviata «Pleščanicki kirmaš». U jakaści łakacyi abrany miascovy stadyjon «Junactva».
Vystupleńnie hurta pieranosiłasia pa niavyśvietlenych pryčynach. Pieršapačatkova havorka išła pra toje, što pryjezd «Technałohii» apłaciŭ IT-biznesoviec Alaksandr Chomič ź miascovymi karaniami, jakoha ŭ Pleščanicach usie nazyvajuć «miecenatam». Ciapier na afišy paznačanaja kampanija ASTON, jakaja taksama źviazanaja ź imieniem hetaha biznesmiena, piša «Anłajnier».