«Biełavija» adnaŭlaje rejsy z Mahilova ŭ Jehipiet
Avijakampanija «Biełavija» abviaściła pra adnaŭleńnie čartarnych rejsaŭ z mahiloŭskaha aeraporta ŭ jehipiecki Šarm-el-Šejch. Jak paviedamlaje pres-słužba kampanii, pieršy rejs zapłanavany na 22 listapada.
Fota ilustracyjnaje
Pavodle raskładu, paloty buduć vykonvacca kožnyja 10—11 dzion na samalotach Boeing 737-800. Čas u darozie składzie prykładna 6 hadzin 30 chvilin.
Raniej z aeraporta Mahilova ŭžo rabilisia rehularnyja rejsy ŭ Maskvu (dvojčy na tydzień) i čartary ŭ tureckuju Antalju.
Akramia taho, 8 kastryčnika «Biełavija» ŭpieršyniu ŭ svajoj historyi zrabiła dalokamahistralny pieralot. Šyrokafiuzielažny Airbus A 330‑200 vylecieŭ ź Minska na kitajski vostraŭ Chajnań, dastaviŭšy tudy 278 pasažyraŭ.
Palot da aeraporta Sańja zaniaŭ 10,5 hadzin. Dla kamfortu padčas padarožža pasažyram prapanavali dvuchrazovaje charčavańnie, pakaz filmaŭ, a taksama knihi i hulni.
Čytajcie taksama:
Samalot «Biełavija» zrabiŭ avaryjnuju pasadku ŭ Maskvie
«Biełavija» adkryła prodaž kvitkoŭ na Šry-Łanku. Kolki kaštujuć?