U Stoŭbcach pastavili pomnik tanku 1973 hoda dla ŭšanavańnia «podźvihu Vialikaj Ajčynnaj»
U vieraśni ŭ Stoŭbcach adkryli pomnik, na pastamiencie jakoha ŭstanoŭlenaja muziejnaja viersija tanka T-72. Uzor miascovym uładam pieradało Minabarony, piša Biełaruski instytut publičnaj historyi.
Ministr Viktar Chrenin zajaviŭ, što hety tank — uvasableńnie «podźvihu tych, chto ŭ hrukacie bitvaŭ Vialikaj Ajčynnaj vajny nabližaŭ pieramohu, rujnujučy voraha na palach bitvaŭ».
Adnak viadoma, što asnoŭnym tankam Čyrvonaj armii padčas Druhoj suśvietnaj vajny byŭ T-34, pomnik jakomu ŭstanoŭleny kala minskaha Pałaca aficeraŭ. Tank T-72 byŭ pryniaty na ŭzbrajeńnie ŭ SSSR tolki ŭ 1973 hodzie i ličycca simvałam savieckaj braniatechniki časoŭ Chałodnaj vajny.
Taksama ŭ vieraśni makiet tanka T-72 pastavili ŭ Barysaŭskim kadeckim vučyliščy. Raniej, u 2021 hodzie, anałahičny pomnik źjaviŭsia ŭ Navahradku. Za hetymi padziejami taksama stajała Minabarony.
Tank T-72 vyrablaŭsia ŭ Rasii da siaredziny 1990‑ch i siońnia ličycca sastarełym.