Turysty, jakija zachraśli z-za zaviruchi na Eviereście, paśpiachova spuścilisia z hary

580 turystaŭ, jakim daviałosia zatrymacca na Eviereście z-za zaviei ŭ Tybiecie, paśpiachova evakujavanyja razam z bolš čym 300 miascovymi pravadnikami i pahaniatymi jakaŭ, paviedamiła kitajskaje ahienctva Sińchua.

Skrynšot ź videa Bi-bi-si

Ludzi dabralisia da pasiołka Ciujdan i navakolla, dzie im dapamahajuć viarnucca dadomu. Dziesiać turystaŭ sustreli ŭ śpiecyjalna arhanizavanym pramiežkavym łahiery ź ježaj, miedykamientami, kisłarodnymi bałonami i ciopłymi rečami.

Mahutnaja zavieja nakryła łahier turystaŭ na ŭschodnim schile Evieresta 4 kastryčnika. U śniežnaj pastcy apynulisia bolš za 1000 čałaviek, jakija rabili ŭzychodžańnie. Ludzi nie zmahli praciahnuć šlach pa abledzianiełych darohach i byli vymušanyja chavacca ŭ namiotach.

Jany zatrymalisia ŭ łahiery na vyšyni 4 900 m nad uzroŭniem mora. 6 kastryčnika 350 čałaviek zmahli spuścicca z hary.

Kamientary da artykuła