Premjer-ministr Litvy: Uzrovień achovy Cichanoŭskaj skarekciravany z ulikam uzroŭniu pahroz
«U Śviatłany Cichanoŭskaj jość achova, ale jana skarekciravana z ulikam ciapierašnich realij», — zajaviła Inha Ruhinienie žurnalistam u Koŭnie.
Fota: Riccardo Savi Getty Images for Concordia Annual Summit
Premjer-ministr Inha Ruhinienie śćviardžaje, što ŭzrovień fizičnaj achovy lidara biełaruskaj apazicyi Śviatłany Cichanoŭskaj, jakaja pražyvaje ŭ Litvie, panižany i skarekciravany z ulikam ciapierašniaha ŭzroŭniu pahroz, piša Delfi.lt.
«Achova nie źniataja. Miery biaśpieki padabranyja, zychodziačy z uzroŭniu pahroz. Słužby vydatna vykonvajuć svaju pracu, štodnia aceńvajučy ŭzrovień pahroz i madelujučy, jakija miery biaśpieki varta prymianiać na padstavie hetaha.
U Śviatłany Cichanoŭskaj jość achova, ale jana skarekciravana z ulikam ciapierašnich realij», — zajaviła Inha Ruhinienie žurnalistam u Koŭnie.
Pra toje, što Litva pryniała rašeńnie skaracić fizičnuju achovu lidara biełaruskaj apazicyi, u aŭtorak paviedamiŭ partał LRT.lt.
Supracoŭniki Słužby achovy kiraŭnictva zabiaśpiečvajuć achovu kiraŭnikoŭ litoŭskaj dziaržavy: prezidenta, staršyni Siejma i premjer-ministra. Na tym ža ŭzroŭni achoŭvali i Cichanoŭskuju.
Čytajcie taksama:
Litva źniziła ŭzrovień fizičnaj achovy Śviatłany Cichanoŭskaj
U Ofisie Cichanoŭskaj prakamientavali rašeńnie źnizić uzrovień jaje fizičnaj achovy ŭ Litvie
Były kiraŭnik MZS Litvy raskrytykavaŭ panižeńnie ŭzroŭniu achovy Cichanoŭskaj