U Minsku vyznačyli, u jakim rajonie stalicy najlepšyja kamunalniki
U Minsku padviali vyniki haradskoha ahladu-konkursu ŭ halinie žyllova-kamunalnaj haspadarki, paviedamlajuć «Minsk-Naviny».
Frunzienski rajon Minska zaniaŭ u konkursie pieršaje miesca. Heta najbujniejšy rajon stalicy, u jakim absłuhoŭvajucca 1219 šmatkvaternych damoŭ, 4725 padjezdaŭ i 948 dvarovych terytoryj.
U vyniku rearhanizacyi ŭ 2021 hodzie ŽKH №1 była dałučana da ŽKH № 2, a zamiest dzieviaci ŽEU stvorana čatyry bujniejšyja ŭčastki.
«Vysokaje pryznańnie našaj dziejnaści — zasłuha ŭsiaho pracoŭnaha kalektyvu», — adznačyŭ dyrektar ŽKH № 2 Andrej Novik.
Jon padkreśliŭ važnaść kadraŭ: vypadkovyja ludzi doŭha tut nie zatrymlivajucca, a prafiesijanały zastajucca, i navat stvarajuć siemji, kaža jon. Siońnia ŭ kalektyvie ŽKH №2 — 25 siamiejnych dynastyj. Na pradpryjemstvie pracujuć 130 čałaviek, u čatyroch ŽEU — jašče 890.
Druhoje i treciaje miescy ŭ konkursie zaniali Kastryčnicki i Zavodski rajony.