Samalot «Biełavija» zrabiŭ avaryjnuju pasadku ŭ Maskvie
3 kastryčnika 2025 hoda samalot avijakampanii «Biełavija» byŭ vymušany ekstranna pryziamlicca ŭ maskoŭskim aeraporcie Damadziedava. Pra heta paviedamiŭ telehram-kanał Aviaincident.
Fota ilustracyjnaje
Pavodle źviestak telehram-kanała, Boeing 737‑800 z rehistracyjnym numaram EW-455PA vykonvaŭ čartarny rejs Minsk — El-Ałamiejn (Jehipiet). Kala 14:52 padčas palotu ŭ Damadziedavie abviaścili tryvohu pa kodu «Sini», što aznačaje nadzvyčajnuju situacyju ŭ pavietry.
U 14:58 samalot paśpiachova pryziamliŭsia. Pryčynaj ekstrannaj pasadki staŭ ciažkachvory pasažyr. Padrabiaznaści pra jaho stan nie ŭdakładniajucca.
Taksama adznačajecca, što pry pasadcy było zafiksavana pieravyšeńnie dapuščalnaj pasadačnaj masy pavietranaha sudna.
Paśla akazańnia nieabchodnaj dapamohi i pravierak samalot praciahnuŭ palot, dasiahnuŭ El-Ałamiejna i potym paśpiachova viarnuŭsia nazad u Minsk.
Čytajcie taksama:
«Biełavija» adkryła prodaž kvitkoŭ na Šry-Łanku. Kolki kaštujuć?