Łukašenka nazvaŭ Pucina pryncypovym i metanakiravanym
Alaksandr Łukašenka pavinšavaŭ Uładzimira Pucina z dniom naradžeńnia. Rasijskamu prezidentu siońnia spaŭniajecca 73 hady.
Ramil Sitdikov Pool Photo via AP
«Rasijski narod tryvała źviazvaje z vašym imiem značnyja sacyjalnyja dasiahnieńni, dynamičnaje ekanamičnaje raźvićcio, umacavańnie dziaržaŭnaści i suvierenitetu Ajčyny, rost aŭtarytetu i ŭzmacnieńnie roli Rasii ŭ śviecie, — havorycca ŭ vinšavańni. — Pryncypovaść i metanakiravanaść, viernaść abaviazku i palityčnaja mudraść, vyklučnaja addanaść Radzimie i ćviordaja vola ŭ adstojvańni jaje nacyjanalnych intaresaŭ zavajavali Vam usienarodnaje pryznańnie ŭ hramadstvie i pavahu zamiežnych kaleh».
Łukašenka ŭpeŭnieny, što zakładzienyja sumiesnymi dziejańniami asnovy adnosin sajuźnictva i stratehičnaha partniorstva pamiž Biełaruśsiu i Rasijaj pasłužać nadziejnym aryjenciram dla budučych pakaleńniaŭ hramadzian dźviuch dziaržaŭ.