Pad Baranavičami vyraścili 25 hruš na halincy daŭžynioj u 25 santymietraŭ

Žychar Baranavickaha rajona vyraściŭ sapraŭdny rekordny ŭradžaj hruš. U svaim sadzie piensijanier Robiert Pialinak z ahraharadka Rusina atrymaŭ nievierahodny vynik — 25 hruš na adnoj halinie daŭžynioj usiaho 25 santymietraŭ, piša miascovaje vydańnie «Naš kraj».

Jak raskazaŭ sam haspadar, jaki bolš za 50 hadoŭ žyvie ŭ Rusinie i ŭsio žyćcio pracavaŭ ziemleŭparadčykam, usio atrymałasia dziakujučy pryščepcy. Hruša, jakaja ŭžo pačynała zasychać, dała novyja parastki, i jon vyrašyŭ nie vydalać ich, a pryščapić halinki ad inšych hruš, u tym liku ad dreva svajho znajomaha.

Kali viasnoj hrušy zaćvili, udaryŭ maroz, uzhadvaje piensijanier. Ale hetuju halinku choład abyšoŭ bokam. Jana ŭsia była ŭ ćviecie — niby bukiet bezu! A potym z kožnaj kvietački atrymałasia zaviaź.

Pałovu zaviazi daviałosia vydalić, bo stolki pładoŭ maleńkaja halinka nie vytrymała b. A kab źbierahčy astatnija hrušy, haspadar źmiaściŭ ich u sietku dla raŭnamiernaha paśpiavańnia i padpior halinku, kab jana nie złamałasia.

Uradžaj užo sabrali: hrušy daśpiavajuć i nalivajucca sokam. Najbujniejšaja ź ich važyć 325 hramaŭ, a kala 30% usich pładoŭ — pa try sotni hramaŭ.

Kamientary da artykuła